काठमाडौँ, २४ असार : भौतिक पूर्वाधार तथा यातायात मन्त्रालय अन्तर्गतको पूर्वाधार विकास मन्त्रालयले समयमै अनुमतिपत्र नवीकरण नगर्ने ४४ वटा निर्माण कम्पनी तथा फर्महरूको इजाजतपत्र खारेज गरेको छ। निर्माण व्यवसाय ऐन, २०५५ को दफा ४ को उपदफा ३ बमोजिम चैत मसान्तभित्र नवीकरण प्रक्रिया पूरा नगरेका कारण यी कम्पनीहरूको अनुमति कानुनी रूपमै स्वतः खारेज भएको हो। मन्त्रालयका अनुसार कारबाहीमा परेका निर्माण व्यवसायीहरूमध्ये ७ वटा ‘क’ वर्गका, ५ वटा ‘ख’ वर्गका र ३२ वटा ‘सी’ (ग) वर्गका रहेका छन्।

इजाजतपत्र गुमाउने ‘क’ वर्गका स्थापित कम्पनीहरूमा काठमाडौँका जेइ कन्स्ट्रक्सन, सिद्धिसाइ प्रकाश कन्स्ट्रक्सन र सप्तकोशी जलाधार कन्स्ट्रक्सन कम्पनी रहेका छन्। यसैगरी ललितपुरको चेतना कन्स्ट्रक्सन, हेटौँडाको जनमुखी कन्स्ट्रक्सन, चितवनको नेपाल बिल्डर्स एन्ड इन्जिनियरिङ कम्पनी र जनकपुरको इन्फ्रास्ट्रक्चर एस एन्ड बी बिल्डर्सको पनि अनुमति खारेज भएको छ। ‘ख’ वर्गका कम्पनीहरूमा हेटौँडाको स्वास्तिक श्री विनायक कन्स्ट्रक्सन, धरानको पूर्णदीप निर्माण सेवा, पोखराको आहा कन्स्ट्रक्सन, झापाको कालमिन कन्स्ट्रक्सन र रोल्पाको नेपाल मदर कन्स्ट्रक्सन परेका छन्। मन्त्रालयका अनुसार अनुमति गुमाउने अधिकांश ‘ग’ वर्गका कम्पनीहरू काठमाडौँ, ललितपुर, मोरङ, सुर्खेत र नुवाकोट जिल्लालाई कार्यक्षेत्र बनाएर सञ्चालन भइरहेका थिए।