काठमाडौं, ११ साउनः  आजबाट नागढुङ्गा– सिस्ने खोला सुरुङ मार्ग सञ्चालमा आउने सञ्चालनमा आउने भएको छ । सो सुरुङमार्ग आज उद्घाटन गरिएपछि औपचारिक रूपमा सञ्चालनमा आउने भएको हो । 
भौतिक पूर्वाधारमन्त्री सुनिल लम्साल, जापान सहयोग नियोग (जाइका)का प्रमुखलगायतको सहभागितामा आज बिहान ११ बजे सुरुङ मार्गको उद्घाटन गरिने छ । काठमाडौंको टोटेपाखादेखि धादिङतर्फको सिस्नेखोलासम्म जोड्ने २ हजार ६ सय ८० मिटर लामो यो सुरुङमार्गको निर्माण जापानी कम्पनी हाज्मा आन्दो जेभीले गरेको हो । वि.सं २०७६ कात्तिक ४ मा तत्कालीन प्रधानमन्त्री केपी शर्मा ओलीले उद्घाटन गरे पनि विभिन्न कारणले निर्माणमा ढिलाइ भएको थियो । जापानी ठेकेदारले चार पटकसम्म म्याद थप गरेपछि मात्र आयोजना सम्पन्न गरेको थियो । 
उद्घाटन पछी सुरुङमार्गमा अत्यावश्यक सवारीसाधनलाई मात्र प्रवेश दिइनेछ । सुरुवाती चरणमा बस, माइक्रो, कार, जीपलगायत चारपांग्रे सवारीलाई प्राथमिकता दिइने बताइएको छ । मोटरसाइकल, पेट्रोल ट्यांकर, ग्यास बुलेटजस्ता मालबाहक सवारी भने तत्काल सञ्चालनमा आउने छैनन् । सुरुङमार्ग प्रयोग गरेबापत टोल बुथमार्फत शुल्क बुझाउनु पर्ने छ । 
सुरुङमार्गको शुल्क संरचनाअनुसार कार, भ्यान, पिकअप र जीपलाई काठमाडौं भित्रिँदा ६५ रुपैयाँ र बाहिरिँदा ६० रुपैयाँ तिर्नुपर्नेछ । मिनिबस, मिनि ट्रिपर र ट्रकका लागि काठमाडौं भित्रिँदा १ सय १५ रुपैयाँ र बाहिरिँदा ८० रुपैयाँ शुल्क तोकिएको छ ।