काठमाडौँ, १० साउन: नेपाली सुनचाँदी बजारमा आज सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार आज नेपाली बजारमा छापावाल सुनको मूल्य प्रतितोला १ हजार ६०० रुपैयाँले बढेर २ लाख ८७ हजार १०० रुपैयाँ पुगेको छ। यसअघि गत कारोबार दिन शुक्रबार छापावाल सुन प्रतितोला २ लाख ८५ हजार ५०० रुपैयाँमा कारोबार भएको थियो।

यसैगरी, आज तेजाबी सुनको मूल्य पनि प्रतितोला १ हजार ६०० रुपैयाँले नै उकालो लागेको छ। महासंघले आजका लागि तेजाबी सुनको मूल्य प्रतितोला २ लाख ८६ हजार ४०० रुपैयाँ तोकेको छ, जुन अघिल्लो दिन प्रतितोला २ लाख ८४ हजार ८०० रुपैयाँ रहेको थियो। सुनको मूल्य बढेसँगै चाँदीको भाउमा पनि सामान्य वृद्धि देखिएको छ।

आज चाँदीको मूल्य प्रतितोला ६० रुपैयाँले बढेर ४ हजार ४१० रुपैयाँ कायम भएको छ। अघिल्लो दिन बजारमा चाँदी प्रतितोला ४ हजार ३५० रुपैयाँमा कारोबार भएको थियो। अन्तराष्ट्रिय बजारमा आएको मूल्य परिवर्तनसँगै स्थानीय बजारमा बहुमूल्य धातुको मूल्यमा यो फेरबदल आएको हो।