साझा अर्थ संवाददाता
७ साउन २०८३, बिहिवार
काठमाडौँ । साताको चौथो कारोबार दिन आज बिहीबार साउन ७ गते नेपाल स्टक एक्सचेन्ज (नेप्से) परिसूचकमा पुन: हरियाली छाएको छ। बुधबार सामान्य करेक्सन देखिएको बजारमा आज फेरि खरिदकर्ताहरू हाबी हुँदा नेप्से सूचक १४.१७ अंक अर्थात् ०.५२ प्रतिशतले उकालो लाग्दै २७२६.७२ को विन्दुमा बन्द भएको छ।
परिसूचक बढेसँगै बजारमा कारोबार रकम (टर्नओभर) मा पनि राम्रो साथ मिलेको छ। आज दिनभर बजारमा कुल १ करोड ७ लाख ७ हजार २२२ कित्ता सेयरहरू किनबेच हुँदा कुल ४ अर्ब ६९ करोड ३४ लाख ४९ हजार ३७० रुपैयाँ बराबरको सेयर कारोबार भएको छ।
बुधबारको करेक्सनलाई पछि पार्दै बजार पुन: २७२६ को विन्दुमा पुग्नुले लगानीकर्ताहरूको मनोबल उच्च रहेको देखाउँछ। बजारमा देखिएको यो उतारचढावबीच पनि लगानीकर्ताहरू सक्रिय रूपमा पोर्टफोलियो व्यवस्थापनमा लागेका छन्, जसले आगामी दिनमा बजार थप चलायमान हुने सङ्केत गर्दछ।
