साझा अर्थ संवाददाता
२५ असार २०८३, बिहिवार
काठमाडौँ, २५ असार: स्थानीय बजारमा सुनको मूल्यमा आज ठूलो गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा २ हजार ४०० रुपैयाँले घटेर प्रतितोला २ लाख ८४ हजार ७०० रुपैयाँ कायम भएको छ। हिजो बुधबार छापावाल सुन प्रतितोला २ लाख ८७ हजार १०० रुपैयाँमा कारोबार भएको थियो।
महासंघका अनुसार तेजाबी सुनको मूल्य पनि तोलामा २ हजार ४०० रुपैयाँले नै ओरालो लागेको छ। योसँगै आज तेजाबी सुन प्रतितोला २ लाख ८४ हजार रुपैयाँमा झरेको छ, जुन अघिल्लो दिन प्रतितोला २ लाख ८६ हजार ४०० रुपैयाँमा खरिद-बिक्री भएको थियो।
सुनसँगै आज चाँदीको मूल्यमा पनि गिरावट आएको छ। चाँदी तोलामा १६० रुपैयाँले घटेर प्रतितोला ४ हजार ३४० रुपैयाँ निर्धारण गरिएको छ। हिजो बुधबार चाँदी प्रतितोला ४ हजार ५०० रुपैयाँमा कारोबार भएको थियो। अन्तर्राष्ट्रिय बजारमा मूल्य कमजोर भएसँगै आन्तरिक बजारमा पनि यसको प्रत्यक्ष असर देखिएको व्यवसायीहरूले बताएका छन्।
