साझा अर्थ संवाददाता
२२ असार २०८२, आइतवार
-thumb_1200_600.jpg)
प्रभु महालक्ष्मी जीवन बीमा लिमिटेडका ३७ लाख ८० हजार ४८० इकाइ बोनस शेयर नेपाल स्टक एक्सचेन्जमा सूचीकृत भएका छन्। कम्पनीले २०८२ साल जेठ २६ गते आठौं वार्षिक साधारण सभा सम्पन्न गरी आर्थिक वर्ष २०८०/८१ का लागि ८ दशमलव ४२१ प्रतिशत लाभांश पारित गरेको थियो।
कम्पनीको २३औं सञ्चालक समितिको बैठकले ८ प्रतिशत बोनस शेयर र ० दशमलव ४२१ प्रतिशत नगद लाभांश (करसहित) वितरण गर्ने निर्णय गरेको थियो। सोही बोनस शेयरहरू हाल नेपाल स्टक एक्सचेन्जमा सूचीकृत भएका हुन्। हालसम्म प्रभु महालक्ष्मी जीवन बीमा लिमिटेडको अन्तिम कारोबार मूल्य रू. ५३३.९१ रहेको छ।
साझा अर्थ संवाददाता
