साझा अर्थ संवाददाता
२२ जेठ २०८२, बिहिवार
काठमाडौं – नेपाल इन्फ्रास्ट्रक्चर बैंक लिमिटेडले "६% निफ्रा हरित ऊर्जा डिबेञ्चर २०८८/८९" को सार्वजनिक निष्कासन अवधि २५ गते जेठसम्म लम्ब्याएको छ । डिबेञ्चर ७ वर्षे अवधिको हो र वार्षिक ६ प्रतिशत ब्याज दर रहेको छ ।
कुल ५० लाख इकाईमध्ये ३० लाख इकाई निजी राख्तमार्फत, २० लाख इकाई सर्वसाधारणका लागि र १ लाख इकाई म्युचुअल फण्डका लागि छुट्याइएको छ। निष्कासनबाट कूल ५ अर्ब रुपैयाँ संकलन गरिनेछ। सीडीएससीका अनुसार हालसम्म ४,७६३ जना आवेदकले २,५९,८५९ इकाईका लागि आवेदन दिएका छन्, जसको रकम २५ करोड ९८ लाख रुपैयाँ बराबर रहेको छ । डिबेञ्चर निष्कासनको व्यवस्थापन एनआईएमबी एस क्यापिटल लिमिटेडले गरेको छ। लगानीकर्ताले न्यूनतम २५ देखि अधिकतम १० लाख इकाईसम्म आवेदन दिन सक्नेछन् ।
साझा अर्थ संवाददाता
