काठमाडौँ, ५ साउन: दीर्घकालीन र सुरक्षित लगानीको खोजीमा रहेका लगानीकर्ताहरूका लागि लक्ष्मी सनराइज बैंक लिमिटेडले नयाँ वित्तीय योजना सार्वजनिक गरेको छ। बैंकले आगामी साउन १४ गतेदेखि कुल ३ अर्ब रुपैयाँ बराबरको ऋणपत्र निष्कासन तथा बिक्री खुला गर्ने भएको हो। १० वर्षको अवधिमा परिपक्व हुने यस वित्तीय उपकरणलाई ‘७% लक्ष्मी सनराइज डिबेञ्चर २०९२’ भनिएको छ।

बैंकले प्रतिइकाई १,००० रुपैयाँका दरले ३० लाख कित्ता ऋणपत्र ल्याएकोमा, १ अर्ब २० करोडको १२ लाख कित्ता सर्वसाधारणका लागि र बाँकी १ अर्ब ८० करोडको १८ लाख कित्ता व्यक्तिगत तवरबाट बिक्री हुनेछ। सर्वसाधारणको हिस्साबाट ६० हजार कित्ता सामूहिक लगानी कोषका लागि सुरक्षित गरिएको छ।

यस निष्कासनमा लगानीकर्ताले छिटोमा साउन १९ र ढिलोमा साउन २८ गतेभित्र आवेदन दििसक्नुपर्नेछ। वार्षिक ७ प्रतिशत ब्याज अर्धवार्षिक रूपमा पाइने यस ऋणपत्रमा न्यूनतम २५ देखि अधिकतम सबै कित्तासम्म आवेदन दिन सकिन्छ र बिक्री प्रबन्धक माछापुच्छ्रे क्यापिटल रहेको छ।

इच्छुक लगानीकर्ताहरूले आस्बा सेवा प्राप्त बैंक तथा वित्तीय संस्था वा 'मेरो सेयर' (Mero Share) मार्फत अनलाइन आवेदन दिन सक्नेछन्।