साझा अर्थ संवाददाता
१९ फागुन २०८१, सोमवार
२०२५ को पहिलो दुई महिना जनवरी र फेब्रुअरीमा पर्यटक आगमन सामान्य बढेको छ । गत वर्षको पहिलो दुई महिनामा एक लाख ७६ हजार पाँच सय २६ पर्यटक भित्रिएकामा यस वर्षको सोही अवधिमा एक लाख ७६ हजार आठ सय ७१ पर्यटक भित्रिएका छन् । यस वर्षको पहिलो महिना जनवरीमा ७९ हजार नौ सय ९१ र फेब्रुअरीमा ९६ हजार आठ सय ८० पर्यटक नेपाल भित्रिएको पर्यटन बोर्डले जनाएको छ । सन् २०२४ को तुलनामा जनवरीमा पर्यटक आगमन सामान्य बढ्दा फेब्रुअरीमा ०.६ प्रतिशतले घटेको देखिन्छ ।
साझा अर्थ संवाददाता
