एनएमबि क्यापिटल लिमिटेडले आज माघ २४ गतेदेखि  एनएमबि म्युचुअल फण्ड अन्तर्गत रहने एनएमबि हाईब्रिड फण्ड एल(२ नामक सामुहिक लगानी कोष योजनाको इकाई निष्काशन गरेको छ ।
  १० वर्ष अवधि रहेको यस योजनाको आकार १ अर्ब २० करोड रहेको छ र प्रति इकाई १० रुपैयाँको दरले १२ करोड इकाई निष्काशन गरिएको छ। जस मध्ये १४ प्रतिशत अर्थात् १ करोड ६८ लाख इकाई कोष प्रबर्दक एनएमबि बैंकलाई, र १ प्रतिशत अर्थात् १२ लाख इकाई एनएमबि क्यापिटललाई छुट्याएर बाँकि रहेको १० करोड २० लाख इकाई आम सर्वसाधारणको लागि निष्काशन गरिएको छ।
 यस निष्काशनमा लगानीकर्ताले छिटोमा माघ २८ गतेसम्म र सो अवधिसम्म पर्याप्त आवेदन नपरेमा ढिलोमा फागुन ८ गतेसम्म आवेदन दिन सक्ने छन् । आवेदन दिंदा न्युनतम १०० इकाई र अधिकतम १ करोड २० लाख इकाईको लागि दिन सकिने छ।