काठमाडौं, २६ असार: नेपाल स्टक एक्सचेन्जमा हिमालयन पावर पार्टनर लिमिटेडको ५० प्रतिशत हकप्रद सेयर आधिकारिक रूपमा सूचीकृत भएको छ। कम्पनीको कुल ५३ लाख २७ हजार ८५ कित्ता हकप्रद सेयर दोस्रो बजारमा कारोबारका लागि सूचीकृत गरिएको हो।

हिमालयन पावर पार्टनरले आफ्ना सेयरधनीहरूका लागि १:०.५० को अनुपातमा उक्त हकप्रद सेयर निष्कासन गरेको थियो। कम्पनीले गत वैशाख १७ गतेदेखि जेठ ६ गतेसम्म खुला गरेको निष्कासनमा योग्य सेयरधनीहरूबाट ४८ लाख ५८ हजार ३ सय ४५ कित्ताका लागि मात्र आवेदन परेको थियो।

बाँकी रहेको ४ लाख ६८ हजार ७ सय ४० कित्ता बिक्री नभएपछि कम्पनीले जेठ २७ गतेदेखि असार ४ गतेसम्म सर्वसाधारणका लागि गोप्य शिलबन्दी बोलपत्र लिलामी मार्फत बिक्री खुला गरेको थियो। लिलामी प्रक्रिया पूर्ण रूपमा सम्पन्न भएसँगै कुल ५३ लाख २७ हजार ८५ कित्ता सेयर नै नेप्सेमा दर्ता भएको छ।

कम्पनीको यस हकप्रद सेयर निष्कासन तथा लिलामी व्यवस्थापनको सम्पूर्ण जिम्मेवारी ग्लोबल आइएमई क्यापिटल लिमिटेडले निभाएको थियो।

दोस्रो बजारमा हिमालयन पावर पार्टनर लिमिटेडको अन्तिम सेयर कारोबार प्रतिवक्ता रु. ३६५.१० मा बन्द भएको छ। नेप्सेमा सूचीकृत भएसँगै उक्त सेयर लगानीकर्ताहरूको डिम्याट खातामा आएपछि दोस्रो बजारमा खरिदबिक्रीका लागि योग्य हुनेछ।