काठमाडौंः बागमती प्रदेशमा मुख्य मन्त्री नियुक्तिकालागि दावी पेश गर्न २४ घण्टाको समय सिमा राखि आह्वान गरिएको छ । बागमति प्रदेशका मुख्य मन्त्री बहादुरसिंह लामाले मुख्यमन्त्री पदबाट राजिनामा दिएपछि प्रदेश प्रमुखले सो आह्वान गर्नु भएको हो । 
प्रदेश प्रमुख दीपकप्रसाद देवकोटाले मुख्यमन्त्री नियुक्तिका लागि मंगलबार दिउँसो २ बजेसम्म दाबी पेश गर्न आह्वान गरेको प्रदेश प्रमुख कार्यालयले जनाएको छ । 
नेपालको वर्तमान संविधानको धारा ६८ को उपधारा (२) बमोजिम प्रदेश सभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्न सक्ने प्रदेश सभा सदस्यलाई मुख्यमन्त्री पदमा दाबी पेस गर्न कार्यालयद्वारा जारी विज्ञप्तिमा भनिएको छ ।