साझा अर्थ संवाददाता
१ साउन २०८२, बिहिवार
काठमाडौंः नेपाल एसबीआई बैंकको ३ अर्ब रुपैयाँबराबरको ऋणपत्रमा आजसम्म आवेदन दिन सकिनेछ । आज ऋणपत्रमा आवेदन दिने म्याद समाप्त हुँदै छ ।
बैंकले असार ३० गतेदेखि १ हजार अंकित दरका कुल ३० लाख इकाइ भएको ‘७ प्रतिशत नेपाल एसबीआई बैंक ऋणपत्र–२०९०’ निष्कासन गरेको थियो ।
ऋणपत्रको कुल इकाइमध्ये ६० प्रतिशत बैंकले व्यक्तिगत तरबबाट बिक्री गर्नेछ भने बाँकी १२ लाख इकाइमा सर्वसाधारणले खरिद आवेदन दिन सक्ने छन् । सो मध्ये ५ प्रतिशत अर्थात ६० हजार इकाई सामूहिक लगानी कोषका लागि छुट्टाइएको छ । लगानीकर्ताले यो ऋणपत्रमा न्यूनतम २५ इकाइदेखि अधिकतममा १२ लाख इकाइसम्म खरिदकालागि आवेदन गर्न सक्ने छन् ।
ऋणपत्र १० वर्षे अवधिकालागि हो । यसमा लगानीकर्ताले वार्षिक ७ प्रतिशत ब्याज प्राप्त गर्ने छन् । ऋणपत्रको बिक्री प्रबन्धकमा नबिल इन्भेष्टमेन्ट बैंकिङ लिमिटेड रहेको छ ।
साझा अर्थ संवाददाता
