काठमाडौंः अप्पर सोलु हाइड्रो इलेक्ट्रिक कम्पनी लिमिटेडको लक इन पिरोड आजबाट समाप्त भएको छ । कुल कम्पनीको कुल १ करोड १५ लाख ८१ हजार ६५० कित्ता शेयरको लकइन आजबाट समाप्त भएको हो । 
कम्पनीको संस्थापक शेयर, आयोजना प्रभावति क्षेत्रका बासिन्दाकालागि बाँडफाँड गरिएको तथा कर्मचारीका लागि सुरक्षति गरिएको शेयरको लकिन पिरोड समाप्त भएको कम्पनीले जनाएको छ । 
सर्वसाधारणलाई निष्काशन गरी बाँडफाँड गरिएको मितिले ३ वर्ष समाप्त नभएसम्म संस्थापक शेयर धनीको, स्थानीय प्रभावित क्षेत्रका वासिन्दा लाई छुट्याइएको तथा कर्मचारीहरुलाई छुट्याइएको शयर लकइनमा राखिने ब्यवस्था छ । लकइन पीरोड समाप्त नभएसम्म यस्ता शेयर विक्री गर्न नपाइने कानुनी ब्यवस्था रहेको छ ।