साझा अर्थ संवाददाता
१२ वैशाख २०८२, शुक्रवार
राष्ट्रिय वाणिज्य बैंक लिमिटेडले ७ बैशाखदेखि निष्काशन गरेको ऋणपत्रमा आवेदन दिने आज वैशाख १२ गते अन्तिम दिन रहेको छ । बैंकले १००० रुपैयाँ अंकित मूल्य कायम भएका २ अर्ब ५० करोड रुपैयाँ बराबरको २५ लाख कित्ता ऋणपत्र निष्काशन गरेको हो । जस मध्ये १५ लाख कित्ता अर्थात् १ अर्ब ५० करोड रुपैयाँ बराबरको ऋणपत्र व्यक्तिगत तबरबाट बिक्री गरिने छ। १० लाख कित्ता अर्थात् १ अर्ब रुपैयाँ बराबरको ऋणपत्र सर्वसाधारणको लागि बिक्री गरिने छ । सर्वसाधारणलाई बिक्री गरिने ऋणपत्र मध्ये ५० हजार कित्ता सामुहिक लगानी कोषहरुलाई छुट्याइएको छ ।
आवेदन दिंदा न्युनतम २५ कित्ता र अधिकतम पुरै कित्ताको लागि आवेदन दिन सकिने छ । ऋणपत्र निष्काशनको लागि सानिमा क्यापिटल बिक्री प्रबन्धक रहेको छ ।
७ वर्ष अवधिको यस ऋणपत्रमा कम्पनीले वार्षिक ७ प्रतिशत ब्याज प्रदान गर्ने छ।
साझा अर्थ संवाददाता
