ओम मेगाश्री फर्मासुटिकल्स लिमिटेडले आम सर्वसाधारणलाई निष्काशन गरेको आईपीओ बिक्री प्रबन्धक प्रभु क्यापिटलले आज चैत्र १२ गते मंगलबार बिहान बाँडफाँड गरेको छ । क्यापिटलका अनुसार आईपीओमा २० लाख ५६ हजार ५ सय ७६ जनाले आवेदन दिएका थिए । जस मध्ये १८ लाख ४८ हजार २ सय ९८ जनाको आवेदन मात्र योग्य भएको क्यापिटलले जनाएको छ। कम्पनीले  आम सर्वसाधारणलाई १४ लाख ७६ हजार कित्ता शेयर निष्काशन गरेको थियो ।
माग भन्दा बढीको आवेदन परेकोले  कम्पनीको आईपीओ गोलाप्रथा मार्फत बाँडफाँड गरिएको छ। जसमा १ लाख ४७ हजार ६ सय जनाले मात्र १० कित्ताको दरले शेयर पाउने छन्  । बाँकि आवेदक भने हात खाली भएका छन् ।