काठमाडौं । सोमबार सुनको मूल्य प्रतितोला ४ सय रुपैयाँ बढेको छ । नेपाल सुनचाँदी व्यवसायी महासंघका अनुसार आज सुन प्रतितोला एक लाख  ५१ हजार २ सयमा  कारोबार भइरहेको छ । यस अघि नेपाली बजारमा सुनचाँदीको भाउ चार दिनयता निरन्तर ओरालो लागेको थियाृ । सुनचाँदी व्यवसायी महासंघका अनुसार आइतबार प्रतितोला एक लाख ५० हजार आठ सय रुपैयाँमा कारोबार भएको थियो।

गत बुधबार सुनको भाउ एक लाख ५४ हजार दुई सय रुपैयाँ प्रतितोला पुगेको थियो । बिहीबार स्थिर रहेको मूल्य शुक्रबार भने एक लाख ५३ हजार रुपैयाँ प्रतितोलामा कारोबार भएको थियो । साताको पहिलो दिन आइतबार भने प्रतितोला २२ सय रुपैयाँ घटेर कारोबार भएको महासंघले जनाएको छ ।