साझा अर्थ संवाददाता
२९ कार्तिक २०८१, बिहिवार
चीनको आर्थिक तथा प्राविधिक सहयोगमा रसुवको टिमुरेमा निर्माण भइरहेको सुक्खा बन्दरगाह निर्माण अन्तिम चरणमा पुगेको छ । अन्तर्राष्ट्रिय व्यापार सहजीकरणका लागि नेपाल–चीन सीमामा बनिरहेको सुक्खा बन्दरगाह चिनियाँ पक्षले आगामी असारभित्र निर्माण गरेर नेपालाई हस्तान्तरण गर्ने नेपाल इन्टरमोडेल यातायात विकास समितिका कार्यकारी निर्देशक आशिष गजुरेलले जानकारी दिए । बन्दरगाहअन्तर्गत भोटेकोशी खोलातर्फ र सडकतर्फको पर्खाल निर्माण कार्य पूरा भएको छ । सडक निर्माण ९० प्रतिशत, कार्गो गोदाम, लिटिगेसन गोदाम र इन्सपेक्सन सेडको निर्माण ९० प्रतिशत र प्रशासनिक भवनको निर्माण ५० प्रतिशत सम्पन्न भइसकेको उनले बताए । हाल इलेक्ट्रिकल, सेनेटरी, खानेपानी तथा पेभमेन्टको काम भइरहेको छ ।
‘
रसुवा जिल्लाको गोसाइँकुण्ड गाउँपालिका– १, टिमुरेमा रसुवा सुक्खा बन्दरगाह निर्माण गर्न नेपाल र चीनबिच १६ अक्टोबर २०१४ मा समझदारी भएको थियो ।
सुक्खा बन्दरगाह निर्माणका लागि २९ वैशाख २०७ मा चीन सरकार र नेपाल सरकारबिच ‘कार्यान्वयन माइनुट’मा हस्ताक्षर भएको थियो । आयोजनाको कुल लागत १२ करोड ४० लाख आरएमबि रहेको छ । करार सम्झौताअनुसार आयोजनाको अवधि २४ जेठ ०८२ सम्म रहेको छ । कुल ५० हजार नौ सय वर्गमिटर क्षेत्रफलमा सुक्खा भौतिक संरचनाहरूको निर्माण भइरहेको छ ।
साझा अर्थ संवाददाता
