हुन्डाई गाडीले ‘हुन्डाई हाइवे एन्स्योरेन्स : केयर फ्री राइड टु होम’ दिने भएको छ । लक्ष्मी इन्टरकन्टिनेन्टल प्रालिले  दसैँ–तिहार र छठ पर्व मनाउन घर जाने हुन्डाई सवारीधनीलाई २२ असोजदेखि २५ सम्म बिहान १० :०० बजेदेखि बेलुका ६:०० बजेसम्म मुख्य राजमार्गका प्रमुख स्थानमा निःशुल्क सवारी जाँच सेवा दिनेछ । 

हुन्डाईले दक्ष प्राविधिकसहित हेटौँडा, जनकपुर, दमक, बिर्तामोड, गजुरी, भरतपुर, बुटवल, बाँके र कैलालीलगायत देशका महत्वपूर्ण राजमार्गमा चेकअप प्वाइन्ट स्थापना गरेको जनाएको छ। कम्पनीले सवारी जाँचसँगै गाडीलाई चाहिने लुब्रिकेन्ट र कुलेन्ट आवश्यक मात्रामा निःशुल्क प्रदान गर्ने जनाएको छ। 

त्यस्तै, विद्युतीय सवारीसाधनका लागि पोर्टेबल डिसी चार्जर पनि उपलब्ध हुनेछ । यस चाडपर्वको रमाइलोमा आफ्ना ग्राहकलाई सवारीसाधनको कुनै पनि चिन्ताबाट मुक्त गराउनु यस अभियानको उद्देश्य रहेको कम्पनीले जनाएको छ ।