काठमाडौंः काबु बाहिरको परिस्थितिले प्रभावित जलविद्युत आयोजनाको ब्यवसायिक विद्युत उत्पादन मितिको म्याद दुई वर्ष थप गर्ने निर्णय गरिएको छ । सोमबार बसेको प्राधिकरण सञ्चालक समिति बैठकले सो निर्णय गरेको हो । 
भूकम्प, बाढी, पहिरो, कोरोना महामारीलगायतका विषम परिस्थितिको कारण निर्माण प्रभावित भएका अयोजनाहरुको ब्यवसायिक उत्पादन मितिको म्याद दुई वर्ष थप गर्ने निर्णय भएको नेपाल विद्युत प्राधिकरणले जानकारी दिएको छ ।  
यो निर्णयले काबु बाहिरको परिस्थितिका कारण निर्माण कार्य प्रभावित भएका आयोजनाहरुलाई राहत मिलेको छ । यो निर्णयका कारण निर्माणधीन करिब ३ हजार मेगावाटको आयोजनालाई राहत पुग्ने बताइएको छ ।