सुचिकृत कम्पनीलाई नविकरण शुल्क बुझाउन नेप्सेको आग्रह, नबुझाए १० प्रतिशत जरिवाना लाग्ने

 नेपाल स्टक एक्सचेञ्ज (नेप्से) ले सूचीकृत कम्पनीहरुलाई वार्षिक नवीकरण शुल्क बुझाउन सार्वजनिक सुचना जारी गरेको छ । 

नेप्सेले आर्थिक वर्ष २०८१र८२ को धितोपत्रको वार्षिक नवीकरण शुल्क असोज मसान्तसम्म बुझाउन कम्पनीहरुलाई आग्रह गरेको हो । सुचना अनुसार  ५० करोड रुपैयाँसम्म चुक्तापूँजी रहेको कम्पनीका वार्षिक नविकरण शुल्क लाग्ने ५० हजार रुपैयाँ लाग्ने नेप्सेले जानकारी गराएको छ। त्यसैगरी, ५० करोड रुपैयाँभन्दा बढी चुक्तापूँजीका भएका कम्पनीले नवीकरणबापत १ लाख रुपैयाँ वार्षिक शुल्क तिर्नुपर्नेछ। 

डिबेञ्चर, म्युचुअल फण्डको चुक्तापूँजी ५० करोडसम्म भएकाले २५ हजार र ५० करोडभन्दा बढी भएकाले ५० हजार रुपैयाँ वार्षिक नवीकरण शुल्क तिर्नु पर्ने नेप्सेले बताएको छ। 

 तोकिएको समय अवधिमा नवीकरण शुल्क नबुझाएमा वार्षिक १० प्रतिशतका दरले जरिवाना लाग्ने नेप्सेले जनाएको छ ।