४५ औं प्रधान मन्त्रीको रुपमा केपी ओली आज प्रधानमन्त्रीमा नियुक्त हुँदै

काठमाडौंः  नेकपा एमालेका अध्यक्ष केपी शर्मा ओली आज देशको ४५ औं प्रधानमन्त्री नियुक्त हुनु हुने भएको छ । नेपाली काँग्रेस सहितको समर्थनमा ओली राष्ट्रपतिबाट प्रधान मन्त्री पदमा नियुक्त हुन लाग्नु भएको हो ।
प्रचण्डले प्रतिनिधिसभामा विश्वासको मत गुमाएसँगै राष्टपति रामचन्द्र पौडेलले शुक्र.वार नयाँ सरकार गठनको आह्वान गर्नु भएको थियो । सोही दिन बेलुका नेपाली काँग्रेस सहितको समर्थनमा ओलीले १६६ सांसदको समर्थन सहित राष्टपति समक्ष प्रधानमन्त्रीकोलागि दावी पेश गर्नु भएको थियो । आज बेलुका पाँचबजे सम्म दावी पेश गर्ने समय रहेकोले  पाँच बजे भन्दा पछी ओली प्रधानमन्त्रीमा नियुक्त हुनु हुने बताइएको छ । केपी शर्मा ओली चौथो पटक नेपालको प्रधान्मन्त्री बन्दै हुनु हुन्छ ।