काठमाडौँ, ३१ असार: मितेरी डेभलपमेन्ट बैंक लिमिटेडले दिवंगत भएका संस्थापक सेयरधनीको नाममा रहेको संस्थापक सेयर हकवालाका नाममा नामसारी गर्न ३५ दिने अत्यन्त जरुरी सार्वजनिक सूचना जारी गरेको छ। बैंकले जारी गरेको आधिकारिक जानकारी अनुसार साविकका संस्थापक सेयरधनी श्रवण कुमार लिम्बुको निधन भएपछि उहाँको स्वामित्वमा रहेको सम्पूर्ण संस्थापक सेयर हकवाला सुनिता राईको नाममा नामसारी गर्न दाबीसहितको निवेदन प्राप्त भएपछि यो कानुनी प्रक्रिया अघि बढाइएको हो।

प्रचलित कानुनी व्यवस्था अनुसार उक्त संस्थापक सेयर नामसारी गर्ने सम्बन्धमा कसैको हकदाबी, विरोध वा कुनै किसिमको आपत्ति भएमा यो सूचना प्रकाशित भएको मितिले ३५ दिनभित्र स्पष्ट प्रमाणसहित लिखित निवेदन दर्ता गर्न बैंकले आह्वान गरेको छ। इच्छुक सरोकारवालाहरूले सुनसरीको धरानस्थित बैंकको केन्द्रीय कार्यालय महेन्द्रपथ वा बैंकको सेयर रजिष्ट्रार प्रभु क्यापिटल लिमिटेड, कमलादी काठमाडौँमा आवश्यक कानुनी कागजातसहित आफ्नो दाबी पेस गर्न सक्नेछन्।

बैंकले तोकेको म्यादभित्र रितपूर्वक कुनै पनि दाबी वा विरोध पत्र प्राप्त नभएमा उल्लेखित मागदाबी बमोजिम नै उक्त सेयर हकवालाको नाममा नामसारी भई जाने स्पष्ट पारेको छ। म्याद नाघेर वा विना प्रमाण आउने कुनै पनि निवेदनमाथि कुनै कारबाही नहुने व्यहोरा समेत सूचनामा उल्लेख गरिएकाले समयमै सरोकारवालाहरूलाई सम्पर्क गर्न आग्रह गरिएको छ।