काठमाडौंः बैदेशिक रोजगारीमा रहेकाहरुलाई सोपान फर्मास्यूटिकल्सको आईपीओ निष्काशन तथा विक्री खुल्ला भएको छ । आजबाट आइपीओ निष्काशन तथा विक्री खुल्ला भएको हो । 
४ करोड २९ लाख रुपैयाँ बराबरको ४ लाख २९ हजार कित्ता शेयर नेपाल सरकारको सम्बन्धित नियमन निकायको श्रम स्वीकृती लिई वैदेशिक रोजगारीमा रहेका नेपालीहरुका लागि निष्काशन गरिएको कम्पनीले जनाएको छ । 
चैत्र १२ गतेसम्म कम्पनीको आईपीओमा आवेदन दिन सकिनेछ ।  सो अवधिसम्ममा पूर्ण आवेदन नपरेमा निष्काशन अवधि चैत २३ गतेसम्म आइपीओ भर्ने म्याद थप हुन सक्ने कम्पनीले जनाएको छ । कम्पनीको शेयर निष्काशन तथा बिक्री प्रबन्धकमा एनएमबि क्यापिटल लिमिटेड रहेको छ ।