काठमाडौः रिभर फल्स पावर लिमिटेड ले आज बाट हकप्रद शेयर निष्काशन तथा बिक्री खुला भएको छ । कम्पनीले हाल कायम चुक्ता पूँजीको सत प्रतिशत हकप्रद शेयर निष्काशन तथा विक्री खुल्ला गरेको हो । 
हाल कायम १ कित्ता शेयर बराबर नयाँ १ कित्ता अनुपातमा हकप्रद शेयर निष्काशन गर्न गरिएको कमपनीले जनाएको छ । कम्पनीले ७० करोड रुपैयाँबराबरको प्रतिशेयर १०० रुपैयाँ अंकित मूल्यका ७० लाख कित्ता हकप्रद शेयर निष्काशन गरेको छ । शेयर निष्काशन प्रयोजनकालागि कम्पनीले साउन २६ गते बुकक्लोज गरेको थियो । कम्पनीको हकप्रद शेयरमा असोज १२ गतेसम्म आवेदन दिन सकिनेछ । कम्पनीको शेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ ।