काठमाडौं : नेबिल बैंकले गत आर्थिक वर्षमा सात अर्ब बढी नाफा कमाएको छ । बैकले सार्वजनकि गरेको गत आब को चौथो  त्रैमासिकको अपरिष्कृत वित्तीय विवरण अनुसार नविलले सो नाफा आर्जन गर्न सफल भएको हो ।

सार्वजनिक गरिएको वित्तीय विवरण अनुसार गत आर्थिक वर्ष नविलले  ७ अर्ब १२ करोड रुपैयाँ खुद नाफा कमाउन सफल भएको छ । सो भन्दा अघिल्लो आर्थिक वर्षमा बैंकले ६ अर्ब १९ करोड रुपैयाँ खुद नाफा आर्जन गरेको थियो । समीक्षा अवधिमा बैंकको नाफा १५.०१ प्रतिशत बढेको छ ।

समीक्षा अवधिमा बैंकको खुद ब्याज आम्दानी ०.०६ प्रतिशत र खुद फि तथा कमिशन आम्दानी ५.३८ प्रतिशत बढेको पाइएको छ ।  कुल सञ्चालन आम्दानी ३.४२ प्रतिशत बढेको छ भने सञ्चालन मुनाफ २५.४४ प्रतिशत बढेको छ । समीक्षा अवधिमा बैंकको इम्पेरमेन्ट चार्ज ४ अर्ब ६३ करोड रुपैयाँबाट घटेर २ अर्ब ३९ करोड रुपैयाँमा झरेकोले सञ्चालन मुनाफा र खुद नाफा बढ्न पुगेको हो ।

नाफा बढेसँगै  बैंकको प्रतिशेयर आम्दानी २६ रुपैयाँ ३४ पैसा पुगेको भने प्रतिशेयर नेटवर्थ २३५ रुपैयाँ ५८ पैसा पुगेको छ ।