सन् २०२५ को पहिलो चार महिनामा विभिन्न देशबाट चार लाख १५ हजार ४८ पर्यटक नेपाल भित्रिएका छन् । सबैभन्दा धेरै पर्यटक मार्चमा एक लाख २१ हजार ६८७ भित्रिएको पर्र्यटन बोर्डको तथ्यांक छ । यस्तै, जनवरीमा ७९ हजार ९९१, फेब्रुअरीमा ९६ हजार ८८०, मार्चमा एक लाख २१ हजार ६८७ र अप्रिलमा एक लाख १६ हजार ४९० पर्यटक नेपाल भित्रिएका छन् । 

सन् २०२५ को अप्रिल महिना नेपाली पर्यटन क्षेत्रका लागि उत्साहप्रद बनेको छ । एक महिनामा एक लाख १६ हजार चार सय ९० विदेशी पर्यटक नेपाल भित्रिएर अहिलेसम्मकै धेरै पर्यटक आएको महिना बन्न सफल भएको छ । यसअघि सन् २०२४ को अप्रिलमा सबैभन्दा धेरै एक लाख ११ हजार तीन सय ७६ पर्यटक नेपाल भित्रिएका थिए ।

कोभिड महामारी सुरु हुनुअघि सन् २०१९ को अप्रिलमा एक लाख नौ हजार तीन सय ९९ पर्यटक नेपाल घुम्न आएको पर्यटन बोर्डको तथ्यांक छ । सो महिनासँग तुलना गर्दा यो अप्रिलमा पर्यटक आगमन ६।५ प्रतिशतले बढेको देखिन्छ । विश्वव्यापी कोरोना भाइरस फैलिएपछि सन् २०२० को अप्रिलमा पर्यटक आगमन घटेर १४ जनामा झरेको थियो । पर्यटन बोर्डका प्रमुख कार्यकारी अधिकृत ९सिइओ० दीपकराज जोशीले पर्यटक आगमनमा भएको बढोत्तरी नेपालको आकर्षण र पर्यटन सम्भावनाको प्रमाण भएको बताएका छन् । बोर्डले यो अहिलेसम्मकै सफल अप्रिल भएको जनाएको छ ।