चैत २५ देखि खुला गरिएको एनआईसी एशिया बैंक लिमिटेडले निष्काशन गरेको ऋणपत्रमा आवेदन दिने आज चैत्र २८ गते अन्तिम दिन रहेको छ ।  
बैंकले १००० रुपैयाँ अंकित मूल्य कायम भएका ५ अर्ब रुपैयाँ बराबरको ५० लाख कित्ता ऋणपत्र निष्काशन गरेको हो। जस मध्ये ३० लाख कित्ता अर्थात् ३ अर्ब रुपैयाँ बराबरको ऋणपत्र निजि तबरबाट बिक्री गरिने छ। २० लाख कित्ता अर्थात् २ अर्ब रुपैयाँ बराबरको ऋणपत्र सर्वसाधारणको लागि बिक्री गरिने छ ।  
आवेदन दिंदा न्युनतम २५ कित्ता र अधिकतम २५ लाख कित्ताको लागि आवेदन दिन सकिने छ । १० वर्ष अवधिको यस ऋणपत्रमा कम्पनीले वार्षिक ७ प्रतिशत ब्याज प्रदान गर्ने छ।