थाई नरेशद्वारा पेन्टोङ्टार्न सिनावात्रालाई औपचारिकरूपमा प्रधानमन्त्रीमा अनुमोदन
२ भदौ २०८१, आइतवार
साझा अर्थ संवाददाता
साझा अर्थ संवाददाता
116 Shares
रासस/एएनआईः थाई नरेश महा वजिरालोङ्कर्नले आइतबार मुलुकको आगामी प्रधानमन्त्रीका रूपमा पेन्टोङ्टार्न सिनावात्रालाई औपचारिकरूपमा अनुमोदन गर्नुभएको छ ।
सिनावात्राको नियुक्ति पछिल्लो सातामा थाई राजनीतिमा धेरै उतारचढावपछि भएको हो । यस अवधिमा संवैधानिक अदालतले सोही फेउ थाई पार्टीबाट उहाँका पूर्ववर्ती श्रेथा थाभिसिनलाई हटाएको थियो ।
राजाको अनुमोदनसँगै अब पेन्टोङ्टार्न सिनावात्राले आधिकारिक रूपमा मन्त्रिपरिषद् गठन गर्नुहुनेछ । मन्त्रिपरिषद् गठन प्रक्रिया आगामी साताहरूमा हुने अपेक्षा गरिएको छ ।
अल जजिराका अनुुसार हालै थाई संसद्ले पेन्टोङ्टार्नलाई आगामी र थाइल्यान्डको सबैभन्दा कम उमेरको प्रधानमन्त्री बनाउन मतदान गरेको थियो ।
संवैधानिक अदालतको फैसलाले श्रेथा थाभिसिनलाई हटाएपछि उहाँको स्थान पेन्टोगटार्नले लिनुभएको हो । उङ इङ उपनामले प्रसिद्ध पेन्टोङ्टार्न अर्बपति टाइकुन थाक्सिन सिनावात्राकी कान्छी छोरी हुनुहुन्छ । आफ्ना बुबा र फुपूपछि मुलुकको शीर्ष पद सम्हाल्ने उहाँ परिवारको तेस्रो सदस्य हुनुहुन्छ ।
संसद्ले ३७ वर्षीया पेन्टोगटार्नलाई उहाँको फेउ थाई पार्टीको सत्तारूढ गठबन्धनले मनोनयन गरेको पुष्टि गरेको छ ।
साझा अर्थ संवाददाता
२ भदौ २०८१, आइतवार
116
Sharesसम्बन्धित समाचार
-thumb_250_180.jpg)
पछिल्लो खबर
-
सर्वसाधारणको लागि २१ पुसबाट गार्डियन माइक्रो लाइफको आइपिओ
-
नेपाल राष्ट्र बैंक खुला बजार कारोबारसम्बन्धी कार्यविधि, ०७८ को सातौँ संशोधन
-
मकैको खोयामा स्वादिष्ट च्याउ उत्पादन
-
नयाँ वर्षको अवसरमा ‘दराज १.१ न्यू इयर मेगा सेल’ ७०% सम्म छुट
-
नौ सय ५० विपन्न परिवारलाई चुलो वितरण
-
लेटाङमा व्यावसायिक कफीखेती, एकै वडाका १२० परिवार खेतीमा तल्लीन
