नेपाल स्टक एक्सचेञ्ज लिमिटेड (नेप्से) आज १२.८४ अंकले ओरालो झरेर २६७६.१५ अंकमा रोकिएको छ । 
आज ३१७ कम्पनीका १ करोड १५ लाख २३ हजार ३ कित्ता शेयर किनबेच हुँदा ५ अर्ब ६२ करोड ९९ लाख ४५ हजार ८ सय २२।०९ रुपियाँ बराबरको कारोबार भएको छ । 

इमर्जिङ नेपालका लगानीकर्ताहरुले सबैभन्दा बढी ८।७६ प्रतिशतले नाफा कमाएका छन् भने स्वाभिमान लघुवित्तका लगानीकर्ताहरुले सबैभन्दा बढी १० प्रतिशतले घाटा व्यहोरेका छन् । 

आज सबैभन्दा बढी एएआरएन इनफ्रास्ट्रक्चर एण्ड डेभलपमेन्ट लिमिटेडको उच्च कारोबार भएको छ । उक्त कम्पनीको ३५ करोड २७ लाख २० हजार ४ सय ४९ रुपियाँ बराबरको कारोबार भएको नेप्सेले जनाएको छ । 

साताको पहिलो दिन हिजो आइतबार बजार ४५।९३ अंकले घट्दा ७ अर्ब ४६ करोड ३ लाख ४ हजार ९ सय ९९।५५ रुपियाँ बराबरको कारोबार भएको नेप्सेले जनाएको छ ।