सुनको मूल्यमा गिरावट

काठमाडौंः सोमबार रेकर्डनै बनाएको सुनको मूल्यमा मंगलवार भने गिरावट आएको छ । सुनको मूल्य मंगलवार एकै दिन तोलमा २३ सय रुपैयाँ घटेको छ । आज नेपाली बजारमा छापावाल सुनको मूल्य प्रतितोला १ लाख ४७ हजार ७ सय रुपैयाँ कायम भएको छ । अन्तराष्ट्रिय बजारमा सुनको मूल्यमा आएको गिरावट सँगै नेपालमा पनि यसको असर परेको नेपाल सुनचाँदी व्यवसायी महासंघले जनाएको छ । सोमबार मूल्य निर्धारण गर्दा अन्तर्राष्ट्रिय बजारमा प्रतिऔंस २४ सय ५५ डलरमा कारोबार भइराखेको थियो । मंगलबार मूल्य निर्धारण गर्दा प्रतिऔंस २४ सय ११ डलर रहेको बताइएको छ ।