मेट लाइफले दियो क्रिकेट खेलाडीलाई १० लाखको बीमासहित मेडिकल सुविधा

मेट लाइफ नेपालले राष्ट्रिय क्रिकेट टोलीका सबै सदस्यहरूको बीमा गर्न नेपाल क्रिकेट संघ (क्यान) सँग साझेदारी गर्ने घोषणा गरेको छ ।

कम्पनीले खेलकूदको उच्च स्तरमा राष्ट्रको प्रतिनिधित्व गर्ने खेलाडीहरूलाई व्यापक जीवन बीमा कभरेज उपलब्ध गराउन आवश्यक रहेको तथ्यलाई मान्यता दिएको बताएको छ । खेलाडीहरुको भविष्य सुरक्षित गर्दै, यो साझेदारीका लागि क्यानसँग सम्झौता गरेको कम्पनीको भनाइ छ।

पुल्चोकस्थित कम्पनीको मुख्य कार्यालयमा आयोजित कार्यक्रममा क्रिकेट संघ र मेटलाइफ नेपालका प्रतिनिधिको उपस्थितिमा हस्ताक्षर भएको हो । यो साझेदारी अन्तर्गत कम्पनीले पुरुष र महिला राष्ट्रिय क्रिकेट टोलीका सदस्यहरूका साथै क्यानका सदस्यहरूलाई अनुकूल जीवन र स्वास्थ्य बीमा योजनाहरू प्रदान गर्नेछ ।

बीमा कभरेज अन्तर्गत दुर्घटनामा मृत्यु भएमा १० लाख, दुर्घटनाग्रस्त चिकित्सा क्षतिपूर्तिको लागि २ लाख र अस्पतालमा भर्ना भएमा १ लाख जस्ता लाभहरू समावेश गरिएको छ ।

राष्ट्रिय टोलीका पूर्व कप्तान तथा नेपाल क्रिकेट संघका वर्तमान सचिव पारस खड्काले मेटलाइफले क्रिकेट टोली र क्यानका सदस्यहरूलाई सुरक्षा दिएकाले 

 खेलामा आत्मविश्वासका साथ खेल्न ध्यान केन्द्रित गरेको बताए । त्यसैगरी, कम्पनकिा उपाध्यक्ष तथा महाप्रबन्धक निर्मल काजी श्रेष्ठले राष्ट्रिय क्रिकेट टोलीलाई  समर्थन प्रदान गर्न पाउँदा खुसी लागेको बताए ।