काठमाडौँ, १० साउन: मन्जुश्री फाइनान्स लिमिटेडले नेपाल वित्तीय प्रतिवेदन मान कार्यान्वयन तथा परामर्श सेवाका लागि योग्य तथा अनुभवी फर्महरूबाट सिलबन्दी दरभाउपत्र आह्वान गरेको छ। वित्तीय विवरणहरूलाई अन्तर्राष्ट्रिय लेखा मान अनुसार थप व्यवस्थित, पारदर्शी र नियमनकारी निकायको निर्देशनअनुरूप बनाउन फाइनान्सले यो प्रक्रिया अगाडि बढाएको हो।
संस्थाले जारी गरेको सूचनाअनुसार लेखापरीक्षण, वित्तीय परामर्श वा सम्बन्धित क्षेत्रमा विशेष दक्खलता र तोकिएको योग्यता पुगेका प्रतिष्ठित फर्म तथा संस्थाहरूले यस प्रक्रियामा सहभागिता जनाउन सक्नेछन्। एनएफआरएस ९ को पूर्ण पालना र यसको प्रभावकारी कार्यान्वयनले संस्थाको जोमिख व्यवस्थापन तथा वित्तीय सुशासनलाई थप सुदृढ बनाउने विश्वास गरिएको छ।
इच्छुक तथा योग्य फर्महरूले निर्धारित सर्त र कागजातसहित तोकिएको मिति र समयभित्र मन्जुश्री फाइनान्सको केन्द्रीय कार्यालयमा आफ्नो सिलबन्दी दरभाउपत्र पेश गर्नुपर्नेछ। यससम्बन्धी विस्तृत विवरण, सर्त तथा कार्यक्षेत्र (ToR) फाइनान्सको आधिकारिक वेबसाइट वा केन्द्रीय कार्यालयबाट प्राप्त गर्न सकिनेछ।