काठमाडौंः उपप्रधानमन्त्री एवं अर्थमन्त्री विष्णुप्रसाद पौडेलले राजश्वको लक्ष्य पूरा हुनेगरी काम गर्न निर्देशन दिनुभएको छ  । बिहीबार राजधानीमा आयोजित एक कार्यक्रममा उहाँले सो निर्देशन दिनु भएको हो ।  
भन्सार विभागद्वारा आयोजित एक कार्यक्रममा बोल्दै मन्त्री पौडेलले राजश्वको लक्ष्य पूरा गर्ने मात्र नभइ अझै राजश्व बढाउने गरी काम गर्न निदेशन दिनुभयो ।  राजश्व परिचालनमा कुनैपनि सम्झौता गर्न नहुने उहाँको भनाई थियो । 
अर्थतन्त्र अहिले पनि दबाबमा रहेको उल्लेख गर्दै राजश्व परिचालनका दृष्टिकोणले धेरै चुनौती रहेको उल्लेख गर्दै पौडेलले राजश्व परिचालन प्रभावकारी हुन नसके राम्रोसँग अर्थतन्त्रलाई अघि बढाउन नसकिने बताउनु भयो ।