काठमाडौंः नेपाल ल्यूव आयल लिमिटेडले गत आर्थिक वर्षको  मुनाफाबाट कुल २५ प्रतिशत लाभांश वितरण गर्ने  प्रस्ताव राखेको छ । बुधवार  बसेको कम्पनीको सञ्चालक समितिको बैठकले सो प्रस्तावर राखेको हो । 
बुधवारको बैठकले लाभांश वितरणको प्रस्ताव गर्दै २० प्रतिशत बोनस शेयर र कर प्रयोजनका लागि ५ प्रतिशत नगद लाभांश वितरण गर्ने प्रस्ताव गरेको कम्पनीले जनाएको छ । उक्त प्रस्ताव पारितका लागि संचालक समितिले ३३ औं वार्षिक साधारण सभा बोलाएको छ । यस्तै कम्पनीको सञ्चालक समितिले प्रिममियम मूल्यमा एफपीओ पनि निष्काशन गर्ने प्रस्ताव साधारण सभामा लैजाने भएको छ ।  हाल कम्पनीको चुक्तापूँजी ६ करोड ७ लाख १८ हजार ९०० रुपैयाँ रहेको छ ।