काठमाडौंः स्वाभीमान लुवित्त वित्तीय संस्थाको नाफा बढेको पाइएको छ । संथाको गत आर्थिक वर्षको चौथो त्रैमासिक सम्मको अपरिष्कृत वित्तीय विवरण अनुसार नाफा बढेको पाइएको हो ।
गत आर्थिक वर्षको अन्त्यसम्ममा लघुवित्तले ७ करोड २३ लाख रुपैयाँ खुद नाफा आर्जन गरेको छ जुन त्यो भन्दा अघिल्लो आर्थिक वर्षको सोही अवधिको तुलनामा ८१९.०८ प्रतिशत बढी हो । अघिल्लो आर्थिक वर्षको सोही अवधिसम्ममा लघुवित्तले ७८ लाख ७२ हजार रुपैयाँ खुद नाफा कमाएको थियो । नाफा बढेसँगै लघुवित्तको प्रतिशेयर आम्दानी पनि उल्लेख्य बढेको छ । समीक्षा अवधिमा लघुवित्तको यस्तो आम्दानी ४१ रुपैयाँ ७६ पैसा बढेर ४७ रुपैयाँ १५ पैसा पुगेको छ ।