काठमाडौंः आफ्नै पार्टी भित्र संसदीय दलमा बहुमत गुमाएर संसदीय दलको नेताबाट पदमुक्त बागमती प्रदेशका मख्य मन्त्री बहादुर सिंह लामाले तीन जना मन्त्री नियुक्त गर्नु भएको छ । बुधवार मुख्य मन्त्री लामाले गोविन्द लम्साल, माया श्रेक्ष्ठ तथा गीता गुरुङलाई मन्त्री नियुक्त गर्नु भएको हो । 
गोविन्द लम्साललाई आन्तरिक मामिला तथा कानुन मन्त्रालयको जिम्मेवारी तोकिएतापानि अन्य मन्त्रीको भने जिम्मेवारी तोकिएको छैन । 
नेपाली काँग्रेसको तर्फबाट मन्त्री बन्नु भएको पाँच जनाले मन्त्री पदबाट राजिनामा दिनु भएको उहाँहरुले सम्हालेका पदहरु रिक्त थिए । नेपाली काँग्रेस संसदीय दलको नेतामा मुख्य मन्त्री बहादुर सिंह लामाले विश्वासको मत गुमाएपछि आज संसदीय दलको नयाँ नेता चयन गरिने बताइएको छ ।