काठमाडौंः नेपाल राष्ट्रबैंकले ५० रुपैयाँ दरका नोट छाप्न बोलपत्र आह्वान गरेको छ । सो दरका ४२ करोड नोट छपाइका लागि विहिवार  अन्तर्राष्ट्रिय बोलपत्र आह्वान गरिएको हो । 
बैंकले  सूचना प्रकाशन गर्दै केन्द्रीय बैंकले नोटहरू सुरक्षित तरिकाले छपाइ गर्न इच्छुक कम्पनीहरूलाई टेन्डर पेश गर्न आग्रह गरेको छ । टेन्डर ‘सिंगल स्टेज टू इन्भेलोप’ विधिबाट हुनेछ, जसअनुसार प्रस्तावदाताले प्राविधिक प्रस्ताव र मूल्य प्रस्ताव छुट्टाछुट्टै रूपमा पेश गर्नुपर्नेछ । केन्द्रीय बैंकको मुद्रा व्यवस्थापन विभागले यस प्रयोजनका लागि आवश्यक बजेट विनियोजन भइसकेको जनाएको छ । 
बोलपत्र पेश २०८२ साल भदौ २३ गतेसम्म सकिने छ ।  प्रस्ताव कम्तीमा १२० दिनसम्म मान्य रहनेछ भने कम्तीमा ४ करोड रुपैयाँ बराबरको बैंक जमानतपत्र  समेत संलग्न गर्नुपर्ने सूचनामा उल्लेख छ ।