साझा अर्थ संवाददाता
३० वैशाख २०८२, मङ्गलवार
काठमाडौं | सन नेपाल लाइफ इन्स्योरेन्स कम्पनी लिमिटेड (SNLI) ले आज ३० वैशाखदेखि २७ प्रतिशत हकप्रद शेयर निष्कासन सुरु गरेको छ। कम्पनीले हाल कायम रहेको शेयरधनीलाई १:०.२७ अनुपातमा प्रति शेयर अंकित मूल्य १०० रुपैयाँमा कुल १ अर्ब ६ करोड रुपैयाँ बराबरको १ करोड ६ लाख ९६ हजार ३२० कित्ता हकप्रद शेयर जारी गर्नेछ।
हाल कम्पनीको जारी पुँजी ३ अर्ब ९६ करोड रुपैयाँ रहेको छ भने हकप्रद समायोजनपछि पुँजी ५ अर्ब ३ करोड रुपैयाँ पुग्नेछ। यस हकप्रद निष्कासनको लागि नेपाल एसबीआई मर्चेण्ट बैंकिङ लिमिटेडलाई निष्कासन प्रबन्धक तोकिएको छ। कम्पनीले ५ वैशाखमा बुक क्लोज गरेकाले त्यसअघि कायम रहेका शेयरधनीहरूलाई मात्र हकप्रदमा सहभागी हुने अधिकार प्राप्त हुनेछ। हकप्रद आवेदनको अन्तिम मिति १९ जेठ २०८२ तोकिएको छ।
साझा अर्थ संवाददाता
