गौरिशंकर संरक्षण क्षेत्र आयोजनाले छात्रबृत्ति उपलब्ध गराउने

दोलखाः गौरिशंकर संरक्षण क्षेत्र आयोजनाले आयोजना क्षेत्र भित्र बसोवास गर्ने सात जना विद्यार्थीहरुलाई छात्रबृत्ति प्रदान गरेको छ । आयोजनाले आयोजना क्षेत्र भित्रका विद्यार्थीहरुलाई स्नातक तथा प्लस टु अध्ययन गर्न कुल सात विद्यार्थीलाई छात्रबृत्ति प्रदान गरेको हो । 

आयोजना क्षेत्र भित्र स्थायी ठेगाना भएका तथा  लिखित र अन्तर्वातामा समावेश भई उत्कृष्ट अंक प्राप्त गरी छनोट भएका सात विद्यार्थीहरुलाई छात्र बृत्तिकोलागि छनोट गरिएको आयोजनाले जनाएको छ । एक जनालाई स्नातक अध्ययनकोलागि तथा छ जनालाई प्लस टु अध्ययनकोलागि छनोट गरिएको आयोजनाको भनाई रहेको छ । 

छात्रबृत्तिमा छनोट हुनेहरुमा स्नातक तर्फ दोलखाको जिरी नगरपालिका वडा नम्बर एकका प्रज्वल बस्नेत रहनु भएको छ ।  यसै गरी प्लस टु तर्फ दोलखाका भुपेन्द्र तामाङ, सन्तोष मगर र प्रतिक्षा खड्का, रामेछाप जिल्लाका अस्मिता बस्नेत तथा सिन्धुपाल्चोक जिल्लाका बविता राई र शर्मिला तामाङ छनोट हुनुभएको आयोजनाले जनाएको छ ।