साझा अर्थ संवाददाता
२९ चैत २०८१, शुक्रवार
आज शुक्रबार पनि सुनको भाउमा तीन हजार नौ सय रुपैया वृद्धि भएको छ । बिहिबार तोलामा ५७ सय रुपैयाँले बढेर प्रतितोला १ लाख ८१ हजार १ सय रुपैयाँको ऐतिहासिक मूल्यमा कारोबार भएको छापावाल सुनको भाउ आज प्रतितोला १ लाख ८५ हजार रुपैयाँ पुगेको छ । नेपाली बजारमा आज कायम भएको सुनको भाउ हालसम्मकै उच्च हो ।
आज प्रति १० ग्राम छापावाल सुनको भाउ १ लाख ५८ हजार ६१० रुपैयाँ पुगेको छ ।
आज चाँदीको भाउ पनि तोलामा ५ रुपैयाँले बढेर प्रतितोला १ हजार ९ सय ५ रुपैयाँ पुगेको छ । आज १० ग्राम चाँदीको भाउ १ हजार ६ सय ३३ रुपैयाँ तोकिएको छ ।
साझा अर्थ संवाददाता
