साताको अन्तिम कारोबार दिन बिहीबार नेप्से सूचक ४३.०५ अंकले बढेर ३ हजार दशमलव ८१ विन्दुमा बन्द भएको छ । 
बजार बढेसँगै कारोबार रकम पनि हालसम्मकै उच्च भएको छ । बिहिबार नयाँ रेकर्डलाई तोड्दै २९ अर्ब ९५ करोड रुपैयाँको कारोबार भएको छ ।  

यो दिन पनि राम्रा कम्पनी मापक सेन्सेटिभ इन्डेक्स १..०१अंकले बढेर ५३५.५१ विन्दुमा पुगेको छ । तीन वटा अलग अलग कम्पनीको शेयरमूल्यमा सकारात्मक सर्किट लागेको छ।जसमा बुटवल पावर कम्पन,राष्ट्रिय बीमा कम्पनी र मोदी इनर्जि छन् । नेपाल मेगा इन्भेष्टमेण्ड बैंकको शेयरमूल्य ९.६४ प्रतिशत, एनएमवि बैंकको शेयरमूल्य ९.४२ प्रतिशतले र ग्लोबल आइएमई बैंकको शेयरमूल्य ९.२२ प्रतिशतले बढेको छ । यसैगरी, बढेको बजारमा नेपाल फाइनान्स कम्पनीको शेयरमूल्यमा भने नकारात्मक सर्किट लागेको छ । विन्धबासिनी हाइड्रोपावरको शेयरमूल्य ७.२ प्रतिशतले घटेको छ ।

यो दिन सर्वाधिक कारोबार बनाउनमा सबैभन्दा ठूलो भूमिका हिमालयन रिइन्स्योन्स कमपनीको छ । उक्त कम्पनीको ९१ करोड ३३ लाख रुपैयाँ बराबरको कारोबार भएको छ भने सानिमा माइ हाइड्रोपावर कम्पनीको ८३ करोड २३ लाख रुपैयाँ बराबरको कारोबार भएको छ । त्यस्तै, अपी पावर कम्पनी, कुमारी बैंक र  नेपाल इन्फ्रास्ट्रक्चर बैंकको ६० करोड ३७ लाख रुपैयाँदेखि ६५ करोड ९ लाख रुपैयाँसम्मको कारोबार भएको छ ।

यो दिन नेप्सेमा सूचीकृत १३ वटा उपसमूहहरु मध्ये वित्त, जीवन बीमा,लघुवित्त, उत्पादन तथा प्रोसेसिङ र अन्य उपसमूह बाहेक सबै उपसूचकमा हरियाली छाएको छ । 
यो दिन पनि सबैभन्दा बढी बैंकिङ उपसमूह ५.६५ प्रतिशतले बढेको छ । त्यस्तै लगानी उपसमूह २.६९ प्रतिशत, फाइनान्स उपसमूह ३.०५ प्रतिशतले घटेको छ ।