साझा अर्थ संवाददाता
२६ साउन २०८१, शनिवार
स्याङ्जा: स्याङ्जा वालिङमा रहेको त्रियासी कृषि उपज तथा बजार व्यवस्थापन सहकारीले एक वर्षमा रु ६७ लाख बढीको सागसब्जी बिक्री गरेको छ । गत आर्थिक वर्षमा सहकारीले रु ६७ लाख २५ हजार दुई सय ९९ सागसब्जी बिक्री गरेको हो ।
सहकारीमा आबद्ध कृषक शेयर सदस्यहरुले आ-आफ्नो खेतबारीमा उत्पादन गरेका सागसब्जी सहकारीले सङ्कलन गरी बिक्री गर्दै अइरहेको अध्यक्ष अर्जुनप्रकाश अर्यालले जानकारी दिनुभयो । कृषकले विभिन्न प्रजातिका सागसब्जी र फलफूल उत्पादन गरी सहकारीमा ल्याउने तथा सहकारीले स्थानीय बजारका साथै पोखरा, बुटवल, काठमाडौँ लगायतका बजारमा पठाउने गरेको उहाँको भनाई रहेको छ । कृषकले कति परिमाणमा सामग्री ल्याउँछन् त्यसको अभिलेख राखि विक्री भएपछि कृषकको खातामा रकम हालिदिने गरिएको छ । विक्री परिमाणका आधारमा प्रतिकिलो तीन रुपैयाँ सहकारीले लिने गरेको छ । सो रकमबाट कृषकहरुलाई तालिम दिने, अबलोकन भ्रमण गराउने गरिएको सहकारीले जनाएको छ ।
साझा अर्थ संवाददाता
