कर्णाली डेभलप्मेन्ट बैंकको शेयर कारोबार स्थगन कुन कानुनको आधारमा गरिएको भन्दै लगानीकर्ताहरुले धितोपत्र बोर्डमा सुचनाको हक अन्तरगत निबेदन दर्ता गरएका छन् । धितोपत्र बोर्डले नेप्सेलाई कर्णाली डेभलप्मन्ट बैंकको शेयर किनबेच स्थगन गर्न पठाएको पत्र कुन कानुनले दिएको अख्तियार प्रयोग गरिएको भन्ने निबेदनमा प्रश्न गरिएको छ । निबेदकहरु दिपेन भण्डारी, सन्तोष भन्डारी, यादव थापा र लक्ष्मढा महताराले दर्ता गराएको निवेदनमा भनिएको छ ‘कर्णाली डेभलप्मेन्ट बैंकको धितोपत्र कारोबार स्थगन गर्नको लागि कुन कानूनको आधारमा नेप्सेलाइ पत्राचार गरिएको हो ? नेपाल धितोपत्र बोर्डलाई कुन कानूनले दिएको अधिकार प्रयोग गरिएको हो ?’ 

संबिधानको धारा २७ अनुसार आफूहरुले सार्वजनिक सरोकारका बिषयमा सुचनाहरु माग गरिएको निवेदनमा उल्लेख छ । तसर्थ माग गरिए अनुसारका सुचना छिटो उपलब्ध गराउन निवदेकहरुले आग्रह गरेका छन् ।