सर्वोत्तम सिमेन्ट कम्पनीको संस्थागत लगानीकर्ता तथा सामुहिक लगानी कोषका लागि छुट्याइएको साधारण सेयरको लकइन अवधिको समय एक महिनापछि सकिने भएको छ ।

कम्पनीको योग्य संस्थागत लगानीकर्ता तथा सामुहिक लगानी कोषको लकइन अवधि २०८१ भदौ २५ गते सकिने भएको छ ।

सर्वोत्तम सिमेन्टले जारी पूँजी ४ अर्ब ६५ करोड मध्ये १२.९०३३ प्रतिशतले हुन आउने ६० लाख कित्ता साधारण सेयर मध्ये ४० प्रतिशत योग्य संस्थागत लगानीकर्तालाई बाँडफाँड गरेको थियो ।

सर्वसाधारणका लागि निष्काशन गर्न छुट्टयाईएको सेयर मध्य ५ प्रतिशत अर्थात १ लाख ५४ हजार २२७ कित्ता सामूहिक लगानी कोष नियमावली, २०६७ को नियम ४६ बमोजिम सामूहिक लगानी कोषहरुको लागि छुट्टयाई बाँडफाँड गरेको थियो । बाँकी सेयर सर्वसाधारणलाई २०८० फागुन २५ गते बाँडफाँड गरिएको थियो ।