पैयुुँ गाउँपालिकाको प्रशासकीय भवन निर्माण सम्पन्न

पोखरा:  पर्वत जिल्लाको पैयूँ गाउँपालिकाको प्रमुख प्रशासकीय भवन निर्माण सम्पन्न भएको छ । सो भवन भवन रु पाँच करोड ४८ लाख ४८ हजार नौ सय ९० लागतमा निर्माण सम्पन्न भएको हो ।
गाउँपालिकाको वडा नम्बर चार हुवासस्थित भकुण्डे वगरमा निर्माण गरिएको भवन निर्माण सम्पन्न भइ कार्यलय सञ्चालनको तयारी भई रहेको गाउँपालिकाका प्रमुख प्रशासकीय अधिकृत राजीव रिमालले जानकारी दिनुभयो ।
नवनिर्मित प्रशासकीय भवन साढे तीन तलाको रहेको छ । ३८ कोठा र लिफ्टसहितको अत्याधुनिक भवन १२ रोपनी क्षेत्रफलमा फैलिएको छ । प्रशासकीय भवन निर्माण स्थलका लागि टकलाक, त्रिवेणी र हुवासका जग्गा धनीहरुले निःशुल्क जग्गा उपलब्ध गराउनुभएको थियो । प्रशासकीय भवन निर्माणको ठेक्का विवेक एन्ड कुवेर बिल्डर्स वालिङ स्याङ्जाले पाएको थियो ।