काठमाडौं । एनएमबि बैंक लिमिटेडले संस्थापक समूहको नाममा रहेको १ लाख ८० हजार २८८ कित्ता शेयरको बिक्री खुलाएको छ ।  जोकोही व्यक्ति वा संघसंस्थाले  प्रतिकित्ता न्यूनतम मूल्य ११० रुपियाँ तोकिएको उक्त शेयर सो वा सोभन्दा बढी मूल्य अंकित गरी बोलकबोल गर्नुपर्नेछ । लगानीकर्ताले  न्यूनतम ५ हजार कित्ता वा सम्पूर्ण कित्ताका लागि आवेदन दिन सक्नेछन् । 

इच्छुक खरिदकर्ताले आज  मंसिर २३ गतेसम्म बिक्री प्रबन्धक एनएमबि क्यापिटल लिमिटेड, बालुवाटार काठमाडौंमा आफूले खरिद गर्न चाहेको शेयर संख्या र दररेट खुलाई गोप्य शिलबन्दी पेस गर्नुपर्नेछ । 
गोप्य शिलबन्दी मंसिर २४ गते आइतबार दिउँसो ३ बजेभित्र एनएमबि क्यापिटलको कार्यालमा खोलिनेछ ।