साझा अर्थ संवाददाता
१५ साउन २०८१, मङ्गलवार
कञ्चनपुरः नेपालको पश्चिमी सीमानाका गड्डाचौकी बाट पैदलमार्गहुँदै सन् २०२४ को छ महिनामा चार सय ६५ विदेशी पर्यटक नेपाल प्रवेश गरेका छन् । विभिन्न देशका पर्यटकहरु सो अबधिमा नेपाल प्रवेश गरेका हुन् ।
अध्यागमन कार्यालय गड्डाचौकीका निमित्त कार्यालय प्रमुख पदमराज भट्टका अनुसार चारसय ६५ जना सो अवधिमा भारतबाट नेपाल प्रवेश गरेका छन् भने १५ जना नेपालबाट भारत प्रवेश गरेका छन् ।
सीमानाका हँुदै नेपाल भित्रिने विदेशी पर्यटकमा विशेषगरी भारतमा बस्दै आएकाहरू रहेका छन् ।
भारतमा बस्ने विदेशी पर्यटकले नेपाल आएपछि अधिकांशले १५ दिनका लागि प्रवेश आज्ञा लिने गरेको पाइएको छ । यसका लागि भिसा शुःल्क ३० डलर लाग्ने गर्दछ । तीस दिनको भिसाका लागि ५० डलर र ९० दिनको लागि एक सय २५ डलर शुःल्क लाग्ने गरेको कार्यालय प्रमुख भट्टले जानकारी दिनुभयो ।
साझा अर्थ संवाददाता
