साझा अर्थ संवाददाता
९ कार्तिक २०८१, शुक्रवार
कार्तिक ९, काठमाडौंः नेपाल औषधि लिमिटेडले एक विज्ञप्ति जारी गर्दै नेपालमा सिटामोलको अभाव नभएको जानकारी दिएको छ । डेङ्गुका रोगीहरु बढी रहँदा सिटामोलको आभाव हुन लागेको हल्ला बजारमा चलेसँगै कम्पनीले विज्ञप्ति प्रकाशन गर्दै सो कुराको जानकारी दिएको हो ।
नेपाल औषधि लिमिटेडका प्रबन्ध निर्देशक कैलास कुमार पनेरुले सिटामोलको उत्पादन नियमित रूपमा भइरहेको र हालका दिनहरूमा यसको अभाव भएको हल्ला केवल भ्रममात्र भएको बताउनु भयो ।
कम्पनीको विक्री काउन्टरबाट माग अनुसारको परिमाणमा सिटामोल उपलब्ध गराउने काम नेपाल औषधि लिमिटेड बाट भइरहेको उहाँको भनाई छ ।
सिटामोल डेङ्गुको उपचारमा समेत प्रयोग गरिने औषधि हो ।
साझा अर्थ संवाददाता
