जीवन विकास लघुवित्तको संस्थापक सेयर लिलामी बिक्री आजबाट

काठमाडौं/ जीवन विकास लघुवित्तले आजदेखि ३ लाख ३४ हजार ५०० कित्ता संस्थापक सेयर लिलामी बिक्री खुला गरेको छ ।  न्यूनतम ६०० रुपैयाँ  कबोल गरी गोप्य शिलबन्दी बोलपत्र पेश गर्नुपर्ने लिलामीमा   कम्पनीकै संस्थापक सेयरधनीसहित अन्य व्यक्ति, कम्पनी तथा संघसंस्थाले आवेदन दिन सक्नेछन् ।  

लगानीकर्ताले न्यूनतम २५० कित्तादेखि अधिकतम सबै कित्ताका लागि  कात्तिक १४ गतेसम्म आवेदन दिन मिल्नेछ । आवेदकले बिक्री प्रबन्धक एनएमबि क्यापिटल बालुवाटार काठमाडौं तथा जीवन विकास लघुवित्तको केन्द्रीय कार्यालय, कटहरी २ मोरङमा पुग्ने गरी आवेदन बुझाउनुपर्नेछ ।